Nasikop sa kapulisan ang usa ka lalaking giilang si alyas “Melvin” atol sa usa ka buy-bust operation nga gipahigayon kagabii, Oktubre 13, 2025, sa Purok 3, Barangay San Juan, Maco, Davao De Oro.
Gimandoan ang operasyon pinaagi sa koordinasyon ug clearance gikan sa Philippine Drug Enforcement Agency , ug gihimo sa kapulisan isip kabahin sa padayon nga kampanya batok sa ilegal nga druga sa rehiyon.
Atol sa operasyon, nasakmit gikan sa suspetsado ang tulo ka pakete sa gituohang shabu, tulo ka open sachet nga adunay mga timailhan sa ilegal nga druga, usa ka glass tube nga adunay residue, ug usa ka pouch.
Gidala sa Maco Police Station ang suspetsado ug ang mga ebidensiya aron pasakaan og tukmang kaso ug maproseso subay sa balaod.
Padayon ang imbestigasyon sa kapolisan aron tukion kung adunay uban pang nalambigit sa kalihokan sa ilegal nga druga sa maong lugar.
Photo courtesy to: Maco Police Station
