Usa ka talagsaon ug makalilisang matang sa baki ang nadiskobrehan og makita sa Central Africa ang nasuta nga mubuak sa kaugalingong bukog aron makaporma og hait nga kuko isip depensa batok sa katalagman. Ang Trichobatrachus robustus, nga gitawag karon nga “Wolverine frog,” mopagawas og murag armas gikan sa lawas kon kini mahadlok.
Matud sa mga siyentista, ang bukog sa tiil sa baki mopugos og gawas pinaagi sa panit aron magmugna og kuko. Sama sa superhero nga si Wolverine, ang maong kuko gigamit sa pagpanalipod sa kaugalingon. Ug balahibuon usab ang mga lalaki sa kani nga baki.
Bisan pa sa ilang kusog nga depensa, adunay gihapon mga tawo nga mangayam ug mokaon niini. Gipasidan-an ang mga lokal nga mag-amping sa mahait nga kuko sa maong baki.
Padayon ang mga siyentista sa ilang pagtuon sa Wolverine frog, nga nagpakita sa katingalahan sa kinaiyahan sa pagpanalipod sa kaugalingon.
Photo courtesy to:Flipscience
