Usa ka talagsaon ug dili katuohan nga panghitabo nasinati sa usa ka 56-anyos nga lobster diver nga si Michael Packard, masuyop sa usa ka 15-metros nga humpback whale samtang anaa ilawon sa dagat sa Massachusetts USA.
Sumala ni Packard, nag-ani siya og mga lobster sa gilawmon nga 6 metros gikan sa ibabaw sa dagat sa dihang kalit siyang gisuyop sa dako kaayong Balyena ug matod pa pag-abot niya sa sulod sa tiyan sa maong isda ngitngit kaayo ug nagdahom siyang mamatay.
Ang kahadlok nga kasinatian milungtad og 30 hangtod 40 segundos sa wala pa siya giluwa sa balyena.
Nakita siya sa ibabaw sa dagat nga buhi apan adunay dislokado nga tuhod, ug nakabalik gihapon siya sa iyang sakayan nga luwas.
Matod sa mga eksperto sa dagat, lisod kaayong mahitabo ang ingon ani nga insidente tungod kay ang mga humpback whale dili agresibo sa tawo.
Ang ilang pagkaon kasagaran mga gagmayng isda ug plankton.
Gituohan nga aksidente ra kini tungod sa limitadong panan-aw sa ilawom sa tubig samtang nanginabuhi ang balyena.
via : THE KIWI
