Sikop sa mga kapulisan, ang usa ka suspek sa pagpangawat sa Kabacan, North Cotabato, bandang alas 10 sa buntag niadtong Oktubre 12, 2025.
Malampusong nadakpan ang lalaking suspek nga residente sa Barangay Lower Paatan sa nahisgutang munisipyo.
Sa report sa Kabacan Municipal Police Station, nadakpan ang suspek sa gipahigayong hot pursuit operation sa gikatahong insidente sa pagpangawat.
Sumala pa sa complainant, duha ka suspek nga naka Honda Beat nga motorsiklo, walay plaka, ang nitangag sa iyang cellphone nga Samsung Galaxy Note20 Ultra 5G, nga ginagamit sa transaksyon sa Gcash ug adunay sulod nga P19,000.00.
Nakita ang presensya sa usa ka suspek sa Kabacan Public Terminal ug positibo usab kining giila sa biktima, hinungdan nga gidakop kini sa mga kapulisan.
Samtang nagpahigayon og body search ang PNP, nasakmit gikan sa dinakpan ang usa ka sachet sa gitouhang shabu nga nagkantidad og P1,360.00.
Sa karon, balhog na sa presohan ang suspek ug moatubang sa kasong theft ug paglapas sa RA 9165 o Comprehensive Dangerous Drugs Act of 2002.
Photo Courtesy to:Kabacan Municipal Police Station
