Daling gidala sa balay tambalanan si Nathan Rimmington, 33 anyos human nga nagsakit ang tiyan tungod sa pagkaon niini ug cola-flavored gummies.
Base sa report, imbis nga mupalit sa lokal nga grocery, si Nathan nag-order og 3-kilogram bulk bag sa gummies online pinaagi sa Amazon nga nagkantidad ug £18 o (PHP1,401.29).
Gikaon ni Nathan ang tanang gummies sulod lang sa tulo ka adlaw, kasagaran human sa panihapon isip “dessert.” Paglabay sa duha ka adlaw, nakasinati siya og grabe nga kasakit sa tiyan, hinungdan nga napugos siya sa pagpacheck-up.
Walay dugang detalye ang gisulti sa report kung unsa gyud ang medical findings, apan giila kini nga babala batok sa sobra-sobra nga pagkaon sa tam-is, ilabina ang mga highly processed candies.
Gi-awhag karun ang katawhan nga magmatngon sa konsumo sa tam-is ug likayan ang sobra-sobra nga pagkaon sa processed foods.
Photo for illustration credits to:Cargill
