Arestado sa kapulisan ang usa ka 43 anyos nga High Value Individual (HVI) sa gikasang anti drug buy-bust operation sa may Purok Bual, Barangay Abong-Abong, Tabina, Zamboanga del Sur, adlaw’ng Dominggo, Octubre 12,2025.
Nahimong malampuson ang operasyon sa pagpanguna sa Tabina Municipal Police Station (MPS), 902nd Regional Mobile Force Battalion 9 (RMFB9), ug Philippine Drug Enforcement Agency Region 9 (PDEA9).
Nakumpiska gikan sa dinakpan ang duha ka medium sachet sa gituohang shabu, buy-bust money, duha ka aluminum foil, ug usa ka Yamaha Aerox V2 155 nga motorsiklo color itom.
Ang mga nakuha nga mga ebidensya giturn-over sa Zamboanga del Sur Provincial Forensic Unit, Camp Abelon, Pagadian City, alang sa laboratory examination.
Samtang ang suspetsado tanggong na sa Tabina Municipal Police Station ug gi-andam na ang kasong paglapas sa Comprehensive Dangerous Drugs Act of 2002 kon R.A. 9165 nga ipasaka batok sa dinakpan.
Source: PD ZSPPO, PRO9
