Gipasabot sa DOST-PHIVOLCS Dipolog ang pagka-usab sa sukod sa gikusgon sa nasinatiang magnitude 7.6 ngadto sa magnitude 7.4 nga linog nga miigo kagahapon alas 9:43 sa buntag diin ang epicentre miigo sa Manay, Davao Oriental.
Sa interview sa Juander Radyo Pagadian News Team kang Engr. Florenette Garcia ang Chief sa DOST-PHIVOLCS Dipolog, giingon niini nga duha ka klaseng pagsukod sa gikusgon sa linog ilang gilantaw nga mao ang Intensity ug ang Magnitude.
Dugang pa ni Engr. Garcia, kagahapon nakatala ang PHILVOLCS sa 179 nga aftershocks sa Davao Region gikan sa magnitude 5.8 paingon sa magnitude 1.3 nga nabati sa mga residente.
Human sa pagtay-og, gilayon nga nag-isyu ang PHIVOLCS sa tsunami alert warning sa kabaybayonan apan gidayon gibakwi sa ahensiya og angay matud pa timan-an sa katawhan nga nagpuyo sa kabaybayonan ang mga timailhan aron masuta kun mag-tsunami.
Samtang gi-awhag ni Engr. Garcia ang publiko ilabina sa anaa sa balay panahon moigo ang linog nga dili magpanic mag-duck, cover and hold adeser mogawas tungod kay ang linog dili matud pa makamatay kun dili ang mga debris o butang nga mahulog nga peligro makaigo sa tawo.
