Mitay-og ang magnitude 7.6 nga linog sa Davao Oriental, hinungdan nga nangbakwit ang mga tawo gikan sa mga building paingon sa kadalanan.
Ang mga video nga mikatap online nagpakita sa mga empleyado ug mga bata gikan sa usa ka daycare center nga nagdagan uban sa ilang mga magtutudlo sa gawas sa bilding.
Matod sa Phivolcs, ang epicenter sa linog natala sa kadagatan sa amihanang sidlakan sa Davao Oriental, nga adunay gilawmon nga 10 kilometros. Nunot niini, ang ahensya nipagawas ug tsunami alert para sa mga coastal areas sa: Eastern Samar; Dinagat Islands; Davao Oriental; Southern Leyte; Leyte; Surigao del Norte; Surigao del Sur.
Ang Phivolcs nipasidaan nga ang lebel sa dagat mahimong motaas ug usa o kapin pa ka metros, ilabi na sa mga dapit sa baybayon. Ang unang balud gilauman nga moabut tali sa 9:54 a.m. ug 11:54 a.m., ug mahimong magpadayon sa daghang oras.
Gitambagan ang mga residente sa mga apektadong baybayon nga mobakwit sa mas taas nga lugar.
Source: Philippine News Agency
