Gipasirado sa buhatan sa Department of Migrants Workers Region 12 ang GST International Education and Visa Consultancy, usa ka unlicensed recruitment entity sa Polomolok, South Cotabato, kaniadtong Oktubre 7 ning tuiga.
Kun asa nalambigit matud pa kini sa illegal recruitment ug pagpangolekta og dagkong kantidad sa kuwarta gikan sa mga galaum nga OFWs sa maong lugar.
Gipangunahan ni DMW Assistant Secretary Jerome A. Alcantara uban ni OIC Regional Director Samsudin T. Lintongan ang maong operasyon sa pagpasira sa nasangpit nga establisemento.
Base sa imbestigasyon, kompirmado nga ang nasangpit nga buhatan dili rehistrado sa Business Permit and Licensing Office (BPLO) sa munisipyo.
Gisuportahan sa Local Government Unit sa maong lugar ang operasyon uban niini nga inisyatiba, ang DMW Rehiyon Dose nagpadayon sa paglihok aron hingpit nga mawagtang ang mga ilegal nga kalihokan sa mga illegal recruiters sa SOCCSKSARGEN.
Photo Courtesy to: DMW Rehiyon Dose
