Gilusad ang unang value-adding ug marketing nga pagbansay alang sa mga mag-uuma sa manok sa malinawon nga dapit sa Barangay Kibalatong, Malita, Davao Occidental diin nagpuyo ang mga mag-uuma, taliwala sa mga bakilid sa kalasangan ug kurbadang mga agianan.
Makita sa maong dapit ang usa ka grupo sa mga mag-uuma diin nakakat-on nga ang pagpanguma dili matapos kung mahuman na ang ani apan magsugod kini pag-usab sa panahon ngadto sa mercado nga pamatigayon.
Kaniadtong bulan sa Setyembre 2025, ang Special Area for Agricultural Development (DA-SAAD) Davao Region sa Department of Agriculture nag-pilot sa ilang unang Value-Adding and Marketing Training, uban sa Alayao Sustainable Farmers Association (ASFA), nga adunay 25 ka benepisyaryo nga misalmot sa duha ka adlaw nga pagbansay, kinsa mapasalamaton sa naangkon nga kahigayonan alang sa maong pagbansay ug mabulukon nga pagtagad ngadto kanila sa panggamhanan.
Photo Courtesy to:Agri INFO Davao
