Wala’y kahadlok si Sorin Mihailovici nga mobiyahe bisan asa nga mga nasud nga maigo sa iyang dart sa mapa, bisan pa man sa talagsaon ug peligroso nga paagi sa pagpili sa iyang mga destinasyon.
Kahibaloan nga bag-ohay lang, naabot siya sa Iraq nga usa sa mga lugar nga kasagarang ginalikayan sa mga torista tungod sa seguridad.
Gani, tungod sa iyang gibuhat daghan usab mga tawo ang miingon nga nawad-an na kini sa iyang paghuna huna, apan alang kang Sorin, importante nga sundon ang pana, kay kini ang iyang paagi sa pagdiskobre sa kalibutan.
Gi-angkon usab ni Sorin nga medyo nahadlok siya, apan giangkon usab niini nga ang kahadlok kabahin ra sa kasinatian. Alang kaniya, ang tinuod nga espiritu sa adventure wala sa kasayon, kundi sa pagsalig ug kaisog, bisan pa sa lugar nga delikado o walay kasiguraduhan.
Photo Courtesy to:Youtube
