Gikumpirma na sa opisyal nga mga social media account ni Jisoo (BLACKPINK) ug ni Zayn Malik nga sila maghiusa sa usa ka makapahingangha nga duet nga giulohan “Eyes Closed.” Ang digital single ipagawas karong Oktubre 10, 2025.
Sa usa ka teaser poster nga gipost ni Jisoo, makita ang text nga “JISOO x ZAYN – Eyes Closed”, ug gikalipay kini sa fans sa tibuok kalibutan. Gipasabot sa mga netizens nga kini usa ka dream collab, ilabi na kay kilala si Jisoo sa iyang classy nga boses ug si Zayn sa soulful nga estilo.
Gikan sa mga report, ang kanta giingon nga usa ka romantikong ballad nga magpasiugda sa emosyonal nga tingog sa duha ka artists. Bisan wala pa gipagawas ang full track o music video, daghang Blinks ug Zquad ang excited na kaayo.
Photo courtesy: World Music Awards
