Nisaka og 1.7 porsiyento adtong Setyembre gikan sa 1.5 porsiyento nga rate ang kinatibuk-ang inflation rate sa nasud niadtong Agosto ning tuiga.
Matod sa Philippine Statistics Authority (PSA), ang inflation rate o pagsaka sa presyo sa mga palaliton ug serbisyo sa nasud, tungod sa tinuig nga pagsaka sa transport index nga anaa sa 1.0 porsiyento Setyembre gikan sa 0.3 porsiyento sa miaging buwan.
Gawas niini, usa sa nakatampo sa pagsaka sa inflation rate, mao ang taas nga annual increment sa food and non-alcoholic beverages index nga anaa na karon sa 1.0 percent gikan sa 0.9 percent sa buwan sa Agosto.
Laing rason sa pag-usbaw sa inflation rate, mao ang pagsaka sa 2.4 porsiyento karong buwana gikan sa 2.3 porsiyento sa buwan sa Agosto alang sa mga restawran ug accommodating services.
Photo Courtesy to:Radyo Pilipinas
