Gisurpresa ni Cavite 4th District Rep. Francisco “Kiko” Barzaga sa tanan sa iyang pinakaulahing vlog pinaagi sa pagbutyag sa impeachment complaint nga giandam batok kang Presidente Ferdinand Marcos Jr.
Sa iyang vlog nga gipagawas kaniadtong Oktubre 8, si Barzaga miingon, “Welcome back to the crocodile farm,” usa ka banat sa iyang mga kauban sa Kongreso.
Matod ni Barzaga, ang impeachment gibase sa “breach of public trust” ug iyang tumong nga tangtangon si Marcos aron malusad ang imbestigasyon sa mga anomaliya sa mga flood control projects.
Ang impeachment complaint kinahanglang isumite sa House Secretary General aron opisyal nga ipatuman. Kon madayon, mao ni ang unang impeachment complaint batok ni Marcos.
Mismo si Marcos ang nagbutyag sa giingong mga anomaliya sa mga proyekto sa gobyerno sa pagpaminus sa baha. Agig tubag, giumol sa Malacañang ang Independent Commission for Infrastructure (ICI) aron imbestigahan ang isyu.
Photo Courtesy to:Remate
