Sa usa ka barangay sa bukid nga dapit sa Kabisay-an, nahitabo ang usa ka kasal nga wala pa gyud damha sa kadaghanan, usa ka babaye nagpakasal sa usa ka hiniktan nga manok.
Matod sa mga silingan, si Aling Nena, 43 anyos, dugay na nangita og tinuod nga gugma. Apan sa iyang kasinatian, sige lang siyag pasakitan sa mga laki nga dili kabalo mo-value og relasyon. Mao nang miingon siya, “Kapoy na. Ang manok na lang akong pakaslan, kay loyal man gud”
Ang seremonya gihimo sa ilang atubangan sa balay, diin mismo ang barangay mayor mitambong isip “officiating officer.” Ang mga silingan nanambong, uban sa ilang tagsa-tagsa ka dala nga sud-an ug kaldereta. Ang uban naluya nga nakatawa, apan girespetuhan gihapon ang “kasal.”
Gisul-ob ni Aling Nena ang iyang karaan nga puti nga bestida, samtang ang manok, nga ginganlan og Totoy, gisul-oban og gamay nga tuxedo nga sinaw pa sa panit sa lubi.
Sa ilang exchange of vows, si Nena miingon, “Totoy, bisan pa man og wala kay tingog, kabalo ko nga ang imong kalooy ug pagkamaunongon mao nay akong gipangita. Di ka motugpa-tugpa sa lain, ug di ka mangabit.”
Bisan kataw-anan ni nga istorya, pwede sab ni gamiton isip simbolismo sa atong pagkahinam-on sa loyalty ug gugma nga tinuod, bisan pa sa usa ka hayop. Pero ayaw kabalaka wala ni sa balaod, kay ang kasal sa tawo ug manok dili gyud legally binding.
Photo for Ilustration credits to:ISTOCK
