Dili pa andam nga mahimong inahan si Nadine Lustre bisan pa nga upat na ka tuig silang magkauyab sa iyang French boyfriend nga si Christophe Bariou. Sa edad nga 31, giangkon sa aktres nga karon wala pa gyud niya makita ang kaugalingon nga mahimong usa ka inahan. “Nakakatakot maging nanay, honestly… I can’t imagine having another responsibility other than my career,” matud pa ni Nadine.
Gipadayag usab sa dalaga nga dako iyang respeto sa mga inahan nga nagmalampuson sa pag-atiman sa pamilya samtang nagpadayon sa ilang trabaho. “I am so focused with my career and of course this guy (Christophe), and our businesses as well. So parang hindi ako ready. So saludo talaga ako sa mga moms,” dugang pa sa aktres.
Samtang, busy karon si Nadine sa shooting sa pelikulang “Call Me Mother” uban ni Vice Ganda, nga usa sa mga Metro Manila Film Festival 2025 entry. Kini ang ilang reunion project human sila nagkatrabaho sa pelikulang “Beauty and the Bestie” niadtong 2015.
Aminado usab si Nadine nga lisod karon ang ilang trabaho. “Horror is the hardest genre to film, but it’s actually comedy. Labi na kung imong kaeksena kay sama ka maayo ni Ate Vice,” matud pa niya nga nagkatawa.
Photo courtesy: Philstar
