Sikop sa gipahigayong drug buy bust operation sa kapulisan ang usa ka drug suspect niadtong Oktubre 7 ning kasamtangang tuig sa Lower Irasan, lungsod sa Roxas, Zamboanga del Norte.
Giila ang dinakpan nga si alyas “Langga”, 43 anyos, lalaki, usa ka lab-asero ug residente sa nasangpit nga dapit.
Nasakmit gikan sa dinakpan ang usa ka gamay nga pakete sa shabu nga maoy nagsilbing buy bust item ug lain pang 5 ka gagmayng pakete sa shabu nga nakuha gikan sa iyang posisyon.
Dugang nasakmit gikan sa suspetsado ang 500 peso bill nga buy bust money ug usa ka empty pack sa sigarilyo nga nagsilbing container sa druga.
Mokabat sa 1.4 gramos ang gibug-aton sa nasakmit nga druga nga dunay kinatibuk-ang kantidad nga Php9, 520.00.
Ang dinakpan ang tanggong na sa prisuhan ug pasakaan sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Pres. Manuael A. Roxas MPS
