Nagpahigayon ug panagtigom kagahapong adlawa ang nagkalain-laing ahensya sa Local Government Unit sa Maasim aron sutaon ang gidak-on sa kadaot nga namugna sa tubig baha bahin sa Barangay Poblacion Maasim Sarangani Province.
Kung diin ang nagkadaiyang ahensya sa LGU-Maasim nagtinabangay sa pag-implementar sa dinalian nga mga lakang sa pagtubag, ug paghatag og tabang sa mga apektadong pamilya.
Tungod sa kusog nga pag-ulan ug nasinatiang pagbaha gisuspinde usab ang klase sa tanang lebel, aron masiguro ang kaluwasan ug kaayohan sa mga estudyante, magtutudlo, ug mga kawani sa eskwelahan.
Giawhag usab sa local disaster risk reduction and management authority ang tanang residente sa maong lugar nga magpabiling alerto ug mosunod sa dugang mga anunsyo gikan sa mga opisyal nga channel.
Photo Courtesy to:Maasim Information Office
