Nalandig sa balay tambalanan ang usa ka 55-anyos nga lalaki human mabangga ang iyang gimanehong Toyota Fortuner batok sa usa ka Toyota Hilux niadtong nakalabay nga adlaw sa National Highway, Barangay Buru-un, Iligan City.
Subay sa report sa Iligan Police Station 2 nga maoy miresponde sa insidente, giila ang driver sa Fortuner nga residente sa Linamon, Lanao del Norte.
Samtang Toyota Hilux pick-up gimaniho usab sa usa ka 24 anyos nga lalaki, residente sa Lapayan, Kauswagan, Lanao del Norte
Base sa inisyal nga imbestigasyon, nagkasungag ang duha ka mga sakyanan kung asa nagpadulong sa direksyon sa syudad sa Iligan Toyota Hilux Pick-up samtang ang Fortuner nagikan sa pikas nga lane dihang aksidenteng nagkabangga tungod sa ongoing one-way road construction sa maong dapit.
Tungod sa kakusog sa impact sa panagbangga, parehong nakabaton sa dakong danyos ang duha ka sakyanan.
Sa pagkakaron, ang duha ka sakyanan gibawi na sa kustodiya sa Iligan City Police Station 2 samtang gihikay ang legal nga mga lakang batok sa nakabangga. Samtang ang duha ka mga behikulo anaa na sa kustodiya sa Iligan City Police Station 2, samtang gihikay ang tukmang lakang.
Photo courtesy to: ICPS2
