Dead on the Spot ang duha ka indibidwal, samtang angol usab ang tulo katawo sa ambush nga nahitabo sa Barangay Salunayan, Midsayap, North Cotabato, buntag ning adlawng Martes Oktubre 7, 2025.
Giila ang mga namatay nga sila Rahib Mamental Wahab, 35-anyos, residente sa Sitio Kudungan, Barangay Sambulawan, Kadayanan, SGA-BARMM ug usa ka Udin Indaila Dalgan, 31-anyos nga taga Sitio Dansalan, Nekitan, Sultan Kudarat, Maguindanao del Norte.
Samtang, angol usab sila Madron Sumlay Endaila Jr., 48-anyos, retired AFP member, Saida Felmin Endaila, usa ka Municipal Councilor ug Lani Endaila Yusop, 20-anyos, nga pulos residente sa Barangay Kapinpilan, Kadayangan, SGA-BARMM.
Sa imbestigasyon sa Midsayap Municipal Police Station, sakay sa minivan ang mga suspek ng ani-ambush sa mga biktima nga sakay sa Toyota Fortuner nga adunay plakang NDC 3579. Nadamay usab sa insidente ang usa ka tricycle driver nga anaa sa maong lugar.
Sa karon, padayon pa ang ginahimong imbestigasyon sa mga otoridad aron masuta ang motibo sa pagpamusil lakip na ang posibleng pag-ila sa mga suspek.
Photo Courtesy to:Niño Del Paclibar Fermil
