Gipaabot sa mga global ekonomista ang desisyon sa Bangko Sentral ng Pilipinas (BSP) kalabot sa posibleng pagpagaan sa monetary policy, o monetary policy easing, sa umaabot nilang tigom karong Oktubre. Kini nga panagtigum kritikal tungod kay kini pagahukman kung adunay pagbag-o sa kasamtangan nga palisiya sa kwarta.
Base sa pagtuki sa United Overseas Bank (UOB) nga nagbase sa Singapore, gikinahanglan pa ang dugang adjustment sa interest rates tungod sa padayong pagsaka sa presyo sa mga palaliton ug hinay nga paglambo sa gross domestic product (GDP) sa nasod.
Sa usa ka pahayag nga gipagawas, ang ekonomista sa UOB nga si Jasrine Loke mibutyag nga adunay posibilidad nga usbon ang 25-basis-point rate sa dili pa mahuman ang karon nga tuig aron mapadayon ang momentum sa pagtubo sa ekonomiya hangtod sa tuig 2026.
Kini nga panglantaw gisuportahan usab sa ubang dagkong mga bangko ug pinansyal nga institusyon sa rehiyon, lakip ang DBS Bank nga usa usab ka dakong bangko sa Singapore, ING Bank nga nakabase sa Netherlands, ug ang MUFG Bank sa Japan.
Kung ang lain nga pagminus sa rate ipatuman sa katapusang mga bulan sa tuig, ang hinungdan nga rate sa palisiya moubos sa 4.75%.
Dako kini kon itandi sa miaging 6.5% niadtong Agosto sa miaging tuig, diin nagsugod ang kasamtangang cycle sa monetary easing nga gihimo sa Bangko Sentral ng Pilipinas.
Photo Courtesy to:MetroBank Wealth Insight
