Gibutyag ni Edgar Navales ,Head sa Office of the Senior Citizens Affairs ,Iligan City, ang mga pribilehiyo ug benepisyo nga angay madawat sa mga senior citizens, ilabi na kung kwalipikado na nga makakuha og Senior Citizen ID.
Gibutyag ni Navales nga pag-abot sa edad nga 60 anyos, kinahanglan nga moadto dayon sa buhatan sa OSCA aron maproseso ang Senior Citizen ID, usa ka government-issued ID nga pirmado sa mayor.
Gamit ang Senior Citizen ID-, makapahimulos gilayon ang mga seniors sa daghang diskwento, sama sa pharmacy discounts, ug uban pang transaksyon nga gihatag nga pabor sa balaod./
Gidugang pa ni Navales nga bisan sa hospital bills, dako ang ma-save nga kantidad basta legal nga senior citizen ID holder ang pasyente.
Giawhag usab ang mga katawhan, labi na kadtong nakaabot na sa 60 anyos, nga dili maglangan sa pagproseso sa Senior Citizen Identification Card , aron mapahimuslan gilayon ang mga benepisyo.
