Nagpahayag sa ilang reklamo ang pipila ka mga negosyante batok sa operasyon sa usa ka talipapa nga nahimutang sa Barangay Dagocdoc, tungod kay matod pa kanila, nakaapekto kini sa ilang pagpamaligya sa merkado publiko.
Sumala sa mga negosyante, naglisod na sila sa pagbaligya sa ilang mga isda ug uban pang produkto tungod kay dili na moagi ang kadaghanan sa mga mamalitay sa merkado publiko ug mas daghan na karon ang namalit sa talipapa.
Matud pa, regular silang nagabayad og buhis (tax) sa siyudad, samtang ang talipapa nga ilang gireklamo wala nagabayad, apan mas paspas pa kini makabaligya ug mahurot ang paninda kumpara sa mga vendor nga naa sa Luha Public Market.
Naglaum ang mga negosyante nga tagdon na sa lokal nga panggamhanan ang ilang reklamo ug mabalanse ang operasyon sa talipapa ug sa merkado publiko, aron dili malugi ang mga lehitimong negosyante nga nagabayad ug buhis ug sumusunod sa balaod.
Photo Courtesy to:Youtube
