Tinguha ni President Ferdinand R. Marcos Jr. nga palig-onon ang dairy products sa nasud.
Kini human gi-inaugurate sa Presidente ang Farm Fresh Milk Plant sa San Simon, Pampanga.
Tuyo niini nga palig-onon ang lokal nga industriya sa gatas, pagpakunhod sa pagsalig sa imported dairy products, ug paghimo ug daghang trabaho alang sa mga Pilipino.
Sumala sa Presidente mahinungdanon ang gatas sa kahimsog, nutrisyon sa kabataan, ug sa industriya sa pagkaon. Dugang niya, makatabang ang bag-ong planta nga makaproceso ug 32 million liters sa gatas ug 2.4 million liters sa yogurt matag tuig.
Proyekto ang planta sa Farm Fresh Milk Inc., usa ka subsidiary sa Malaysian dairy company nga Farm Fresh Berhad, nga adunay ₱312.5 milyon nga investment.
Gipalig-on usab sa presidente ang suporta sa gobyerno alang sa Dairy Industry Development Program nga naghatag ug hayop, pautang ug training sa mga mag-uuma.Gisiguro sa presidente nga suportado sa iyang administrasyon ang industriya sa dairy.
Photo courtesy to: planetphilippinesuk.com
