Gibisita ni Department of Public Works and Highways (DPWH) Secretary Vince Dizon ang lugar nga tukoran sa temporaryong kapuy-an sa lungsod sa San Remegio, kauban sa mga opisyal og ubang ahensya sa gobyerno alang sa mga lumulopyo nga mahadlok nga mopauli sa ilang mga panimalay human sa kusog nga linog sa Northern Cebu.
Gitubag usab sa DPWH ang kamandoan sa Presidente sa paghimo og assessment, sa mga public buildings lakip na ang heritage churches sa San Ignacio de Loyola sa lungsod sa Medellin ug San Juan Nepomuceno Parish sa San Remegio.
Ang ahensya padayong makig-alayon sa Tourism Infrastructure and Enterprise Zone Authority (TIEZA) ubos sa Department of Tourism ug National Historical Commission of the Philippines alang sa pagpahiuli sa mga nangaguba nga century old nga mga simbahan.
Photo Courtesy to:Balitang Bisdak
