Gilugwayan sa Bureau of Internal Revenue (BIR) ang deadline sa pag-file og mga dokumento ug pagbayad og buhis. Ang maong lakang sa bureau pagpakita og suporta ug simpatiya sa mga kababayan nga grabeng naapektuhan sa kusog nga pagtay-og sa Visayas region.
Tumong usab niini , nga matabangan ang mga magbubuhis nga direktang naapektuhan sa linog nga makabangon ug makapadayon sa ilang mga obligasyon.
Matod ni BIR Commissioner Romeo Lumagui Jr., ang tanang deadline sa pagbayad ug buhis ug pagsumite sa mga gikinahanglang dokumento gilugwayan hangtod sa Oktubre 31, 2025.
Ang extension naglangkob sa mga magbubuhis nga narehistro sa Revenue District Offices sa Mandaue City, Cebu City North, Cebu City South, Talisay City, ug bisan sa Large Taxpayers Division – Cebu.
Photo Courtesy to:Decode Technologies
