Patay na nga napalgan ang usa ka 5 anyos nga batang babae nga naglutaw-lutaw sa pantalan 2, sa Boulevard, Surigao City, niadtong nakalabay nga adlaw. Sa impormasyon nga nahipos sa Surigao City Police Station, ang 5 anyos nga menor de edad namatikdan nga nagdula-dula kini alas 6:00 sa gabii.
Nakurat na lang dihang napalgan kini alas 7:00 sa gabii nga wala nay kinabuhi nga naglutaw sa dagat kilid sa seawall. Sa pakighinabi sa Juander Radyo News Team kang Aga Manangkiran, gibutyag niini nga gibilin ang bata sa iyang apohan hangtod nga nagdula kini kauban ang mga ig-agaw.
Nasayran nga posibling nahulog ang bata tungod kay nakitaan kini og samad dihang nahaw-as ug gisulayan pa pag-rescue. Samtang gidala na sa Marawi ang patayng lawas sa bata tungod kay didto kini itakda nga ilubong subay sa tradisyon sa islam.
