Gipamatud-an ni Natividad Rosal, usa ka 74-anyos nga dili babag ang edad sa pag-abot sa iyang mga damgo. Siya ang pinakatigulang nga examinee sa 2025 Bar Examination nga gipahigayon sa Baguio City.
Si Rosal, usa ka lola ug retiradong magtutudlo, miapil uban sa liboan ka mga abogado nga nangandoy makapasar sa Bar exam.
Ang iyang kaisog ug paglahutay nakapukaw ug inspirasyon sa daghang Pilipino. Kini na ang ikatulong higayon nga misulay siya sa Bar Exam, Iyang gisaysay nga kaniadto wala siya naka-apil tungod sa mga pagsulay sa kinabuhi ilabi na sa pag sakit sa iyahang bana.
Bisan sa mga babag ug kalisod, ang istorya ni Rosal naka inspire sa daghang netizen, ug nagpahinumdom nga ang pagpaningkamot ug pagtuo sa kaugalingon walay gitudlong edad.
Photo Courtesy to:Pinas now
