Arestado sa Manhunt Charlie Operation sa mga otoridad, ang Top 7 Provincial Most Wanted Person sa Rizal Avenue, Barangay Poblacion, Kabacan, North Cotabato, alas 8 sa buntag niadtong Oktubre 2, 2025.
Malampusong nadakpan ang 26-anyos nga suspek, ulitawo, walay trabaho ug residente sa Barangay Cuyapon sa nahisgutang munisipyo.
Adunay warrant of arrest and suspek sa kasong Rape nga walay gi-rekomendang pyansa; Rape through Sexual Assault nga adunay pyansang gi-rekomenda nga P200K; Lascivious Conduct nga adunay pyansang P200K, nga pulos gi-isyu ni Hon. Jocelyn M. Alibang-Salud, Presiding Judge sa Regional Trial Court Branch 22, 12th Judicial Region, Kabacan, North Cotabato.
Gipahibalo usab sa mga otoridad ang suspek sa iyang katungod, base sa sinultihan nga iyang nasabtan. Samtang, anaa na karon sa Kabacan Municipal Police Station ang suspek alang sa dokumentasyon ug tukmang disposisyon.
Photo Courtesy to:Kabacan Municipal Police station
