Patay ang usa ka senior citizen human kini gipusil sa wala pa mailang suspect pasado ala 1:30 sa kadlawon, Octobre 3, 2025, sa Barangay Bag-ong San Vicente, Dumingag Zamboanga del Sur.
Naila ang biktima nga si “Osias” 78 anyos usa ka mag-uuma ug residente kini sa maong barangay.
Sa imbestigasyon mga kapulisan, nadunggan pa sa pipila ka mga residente sa dapit ang mga buto sa armas pasado alas 10:50 sa gabie, ug sa ilang pag susi nag buy-od na ang biktima sa kasagbutan nga wala nay kinabuhi, samtang adunay igo pinusilan sa iyang sulang ug usa saiyang wala nga bahin sa tuhod.
Sa karon ang patay’ng lawas sa biktima gipahiluna na sa mga kabanay niini. Samtang ang mga kapulisan sa Dumingag Municipal Police Station nagpahigayon na ug hot pursuit operation aron mailhan ug madakpan ang mga suspetsado.
Photo Courtesy to:Dumingag Municipal Police Station
