Gipahugtan sa Department of Trade and Industry (DTI) Lanao del Norte ang ilang kampanya batok sa mga negosyanteng mosupak sa mga regulasyon, ilabi na sa makatarunganong presyo, hustong timbang, limpyo nga produkto, ug uban pang sumbanan sa patas nga negosyo.
Kini ang gibutyag ni Jane Marie L. Tabucan, Provincial Director sa DTI-LDN, atol sa usa ka press conference nga gipahigayon sa Robinsons Atrium, Iligan City, niadtong nakalabay nga adlaw.
Gidugang pa ni Tabucan nga daghan na sila ug napahamtangan og silot tungod sa seryosong paglapas sa mga patakaran, ug gisakmit ang mga produkto nga illegal nga gipamaligya.
Sa pagkakaron, nagpaabot na lang ang buhatan sa Go Signal gikan sa kaulohan aron tukion ug hatagan og klarong disposisyon ang tanang mga nakumpiska nga produkto nga gikan sa mga merkado sa probinsya.
