Hapit na nga makaabot sa katunga nga mahimong unang trillionaire sa kalibutan, ang bilyonaryo nga si Elon Musk, ang pinakadato nga tawo sa kalibutan, sumala sa report sa Forbes magazine.
Siya ang CEO sa Tesla ug SpaceX nga nahimong unang tawo nga nakaabot og net worth nga $500 bilyones, bisan sa mubo nga panahon, tungod kay mibalik ang presyo sa shares sa iyang electric vehicle company human sa iyang lisod nga pag-apil sa politika, og uban pa nga mga kalampusan.
Naabot sa 54-anyos nga si Elon Musk ang net worth nga $500.1 bilyones niadtong Miyerkules, unya nibalik kini sa $499.1 bilyones, sumala sa Real-Time Billionaires tracker sa publikasyon.
Sunod kaniya sa Forbes list mao si Oracle CEO Larry Ellison nga adunay net worth nga $350.7 bilyones, gisundan ni Meta CEO Mark Zuckerberg nga adunay net worth nga $245.8 bilyones.
Human nakagradwar sa University of Pennsylvania ug mibulag sa Stanford University, nakakuha si Musk sa iyang unang milyon-milyon human niya ibaligya ang usa ka online publishing software company ngadto sa US computer maker nga Compaq sa kapin $300 milyon niadtong 1999.
Ang iyang sunod nga kompanya napundok sa PayPal, ug human mobiya niini, ang South African nga negosyante sa teknolohiya nagtukod sa space rocket company nga SpaceX niadtong 2002 ug nahimong chairman sa electric carmaker nga Tesla niadtong 2004.
PHOTO: XPRIZE Foundation
