Gisugdan na sa City Government of Tandag pinaagi sa City Disaster Risk Reduction and Management Office (CDRRMO) ug sa pakigtambayayong sa DOST-PHIVOLCS ang pag-instalar sa mga Tsunami Early Warning Signages sa nagkadaiyang estratehikong lugar sa dakbayan.
Ang maong proyekto usa sa mga prayoridad sa lokal nga kagamhanan nga nagtinguha sa pagpalig-on sa kahibalo sa katawhan, paggiya sa luwas nga evacuation, ug pagpahugot sa kahandam sa komunidad kon dunay hulga sa tsunami.
Kini nagpamatuod sa padayon nga komitment sa dakbayan sa Tandag sa pagpalambo sa kaluwasan ug kalig-on alang sa tanang Tandaganon.
