Gipangandaman sa mga fans ang espesyal nga pagbiyahe ni Daniel Padilla paingon sa South Korea aron dawaton ang Outstanding Asian Star Award para sa iyang pagpasundayag sa Incognito sa 2025 Seoul International Drama Awards. Pipila lang ka oras human siya mibalik gikan sa United States, midiretso siya sa airport aron mosakay og eroplano paingon sa South Korea.
Sa iyang interview, nagpasalamat siya sa iyang mga supporters. “I’d like to thank the supporters. Sila ang nagpadala nako didto. Ako lang ang modawat sa award,” matud pa niya. Iyang gipakita ang iyang kasingkasing nga puno sa pasalamat tungod sa walay puas nga suporta gikan sa iyang fans.
Sumala pa aduna siyay lima ka billboard sa South Korea ug usa ka billboard sa EDSA Guadalupe nga nagdungan ug live aron ipakita ang suporta alang kaniya.
Lakip sa mga lokasyon sa billboard mao ang KES Hall sa Yeouido, Banpo Hangang Park, Songpa Naru Park, Yujin Building, ug usa ka LED truck sa SDA venue. Ang maong suporta nagpamatuod nga si Daniel Padilla dili lang usa ka artista kondili usa ka inspirasyon nga gisuportahan sa lokal ug internasyonal nga level.
Photo courtesy: Rolling stone philippines
