Dakpan ang usa ka giilang tigpayuhot og druga atol sa gikasang buy-bust operation nga gipasiugdahan sa Mawab Municipal Police Station (MPS), kauban ang Provincial Drug Enforcement Unit (PDEU) sa Davao de Oro ug ang Philippine Drug Enforcement Agency (PDEA) Region XI sa Purok 1, Barangay Sawangan, Mawab, Davao de Oro alas 6:55 sa gabii niadtong Septiyembre 30, 2025.
Nasakmit sa mga otoridad ang gibanabana nga usa (1) ka gramo nga gituhuang ilegal nga droga (shabu). Ang maong operasyon gimandoan ubos sa Pre-Operation Number 12-00-09302025-035, nga gipangulohan ni 𝐏𝐂𝐏𝐓 𝐑𝐎𝐋𝐀𝐍𝐃 𝐂 𝐃𝐀𝐆𝐎𝐍𝐃𝐎𝐍 – 𝐃𝐂𝐎𝐏, ubos sa direktang superbisyon ni 𝐏𝐌𝐀𝐉 𝐉𝐔𝐍𝐄 𝐄𝐑𝐈𝐂 𝐁 𝐃𝐄𝐆𝐔𝐈𝐓𝐎- 𝐀𝐂𝐎𝐏 sa Mawab MPS.
Ang suspetsado ug ang narekober nga ebidensya gidala sa Mawab MPS alang sa hustong dokumentasyon ug pagsaka sa kaso ilawom sa Republic Act 9165 o ang Comprehensive Dangerous Drugs Act of 2002.
Photo Courtesy to: Davao de Oro Police Provincial Office
