Laraw sa Office of the Presidential Adviser on Peace, Reconciliation and Unity (OPAPRU) nga magpatawag og Peace Advocates Summit alang sa mga Rebel returnees aron nga makalatag kini sa proposed program sa probinsiya sa Zamboanga del Sur sa Nobyembre 2025.
Kini subay sa pamahayag ni OPARRU Secretary Carlito Galvez, Jr. dihang mibisita kini sa dakbayan sa Pagadian atol Demilitarization of Surrendered Loose Firearms & Scholarship Grant Ceremony nga gihimo ning bag-o.
Sigun ni Galvez nga mas maayo nga ma-organizar ang mga peoples organization kauban ang mga opisyal sa probinsiya ug mga ahensiya sa gobyerno aron matumbok nila kun unsay programa o proyekto nga haom og gikinahanglan sa ilang komunidad.
Gisaysay ni Galvez , wala sila mihunong sa pagpangita ug pamaagi aron mas epektibo ang mga programa ug mga proyekto ilawom sa Payapa at Masaganang Pamayanan (PAMANA) program.
Bisan matud pa nga limitado lang ang pundo sa mga gisugyot nga proyekto, dako kining tabang sa komunidad og mapahimuslan sa mga kabata-an ug sa umaabot pang henerasyon.
Photo Courtesy to:Inquirer.net
