Gipasalamatan sa Iligan City Police Office (ICPO) ang Local Government Unit (LGU) sa Iligan City sa ilang walay puas nga suporta ug lig-ong pakig-alyansa.
Ang pasidungog nagpamatuod sa dakong kontribusyon sa LGU sa kalamboan sa mga programa, proyekto, ug kalihokan nga nagtumong sa pagpalig-on sa kabatan-onan ug pagpatunhay sa kalinaw sa dakbayan.
Sumala ni Dr. Darwin Manubag, City Administrator sa Iligan, ang padayon nga pagpalig-on sa peace and order usa ka yawe sa mas paspas nga pag-uswag sa syudad. Ilalom sa liderato ni PCOL Jerry A. Tambis, ang maong pasidungog nagpamatuod sa dedikasyon sa ICPO, sa pagtukod ug mas luwas, mas progresibong komunidad alang sa tanan.
Nagpasalig usab ang Iligan City Police Office nga mapadayon ang kusog nga kolaborasyon uban sa mga stakeholders aron mapalambo ang kalinaw, kahusay, ug ang holistikong kalamboan alang sa umaabot nga henerasyon sa mga Iliganon.
