Arestado ang usa ka 38 anyos nga lalaki gumikan sa kasong Attempted Homicide gumikan sa gikaingong pagpanghulga sa duha ka mga residente sa Barangay San Pablo,Dumingag, Zamboanga del Sur, kaganinang buntag, Octubre 01, 2025.
Gikataho nga ang suspetsadong si alyas Jonilo lango sa ilimnong makahubog sa dihang nanion ug kalibre 45 nga pusil ngadto sa magtiayong si Charlene, 39 anyos, ug Samuel, 31 anyos, human unta gitabangan niini ang suspetsado.
Nakumpiska sa mirespondeng personahe sa Dumingag MPS ang kalibre 45 nga pistola nga loaded sa mga bala ug uban pang mga personal belongings.
Pakyas usab nga nakapakita ang suspetsado sa dokumentong gipangayo sa kapulisan hinungdan siya gidala ug gitanggong na karon sa Dumingag Municipal Police Station alang sa tukmang lakang.
Gi-andam na usab ang kasong Attempted Homicide ug Illegal Possession of Firearms nga ipasaka ngadto sa dinakpan.
