Nahimong sentro karon sa atensyon sa mga netizens ang basketball star nga si Kobe Paras ug ang aktres nga si Elisse Joson human sila makita nga kanunay nag-uban sa daghang mga okasyon sa Bonifacio Global City.
Sumala sa report sa ilang mga fans, nakita ang duha nga nagkuyog sa mga lugar sama sa Medusa, The Palace, ug Yes Please. Matod pa sa pipila ka mga nakakita, naghinawiray pa kini og kamot ang duha.
Alang sa mga fans ni Paras, ang paghawid niya sa kamot ni Elisse giisip nga hulagway sa iyang pagka-gentleman ug respeto sa aktres.
Apan sa laing bahin, giingon usab nga uban sa ilang mga higala ang duha atol sa mga sightings, lakip na si Alexa Miro, ang kanhing uyab ni Congressman Sandro Marcos, nga posible nga nagpasabot nga dili kini romantic nga date, kundi usa ka panagtigom sa grupo.
Wala pa usab magpagawas og pamahayag si Paras ug si Joson kabahin sa maong mga ispekulasyon, hinungdan nga nagpadayon ang mga chismis online nga walay kumpirmasyon.
Kahinumduman nga kaniadto, na-link si Paras sa aktres nga si Kyline Alcantara, samtang si Joson adunay nangaging relasyon sa aktor nga si McCoy de Leon.
Photo courtesy of FASTBREAK
