Emosyonal sila Carlo Aquino, Anne Curtis ug uban pang miyembro sa cast sa It’s Okay To Be Not Okay atol sa finale chapter presscon sa maong salida. Si Carlo ang unang nakahilak, nagsulti siya nga mibalik sa iyang hunahuna ang mga panumduman sa dihang unang gipaila sila nga magbida sa lokal nga adaptasyon sa ilado nga Korean drama.”
Sa mao gihapong lugar, Dolphy Theater, gihimo usab kaniadto ang press launching/announcement. Aminado sila nga daghan kaayo sila’g namugna nga mga hinungdanong handumanan samtang nagtrabaho ani.
Tungod kay taas-taas usab ang panahon nga nag-uban-uban sila samtang nag taping niini. Tungod sa kadaghan niini, halos dili na gyud maihap ni Anne atol sa maong media conference para sa ilang finale chapter.
Samtang, gawas sa maayong pagdala ni Anne sa iyang papel, dili usab kalimtan ang matahom niyang mga sinina nga Filipiniana-inspired. Gipakita ni Anne ang karakter nga si Mia Hernandez, ang Philippine version ni Ko Mun- yeong, nga orihinal nga gihulagway ni Seo Yea Ji sa iladong Korean drama.
PHOTO: IMDb
