Usa ka lalaking Egyptian wrestler ang naglaom nga mabutang siya sa world record human gibira niini ang 700-toneladang (635,000kg) nga barko gamit ang iyang mga ngipon.
Ang maong lalaki naila nga si Ashraf Mahrous nga mas nailhan sa pangalan nga Kabonga o strongman, 44 anyos. Kahibaloan nga mibira usab siya ug duha ka barko nga mutimbang ug 1,150 ka tonelada (1,043,000kg) nga magkasabay.
Kahinumdoman nga niadtong Marso, si Mahrous mibira og tren nga may gibug-aton nga 279 tonelada (253,105kg) gamit ang pisi sa iyang ngipon sa halos 10 metros (33ft) ug pormal nga giila sa Guinness World Records.
Usa sa mga gihimo niini mao ang unom ka oras sa usa ka adlaw nga pagbansay ug pagkaon ug protina ingon man iron-rich diet sama na lang sa usa ka dosena nga itlog, duha ka buok manok, ug 5kg nga isda.
Nasayran nga nagsugod siya sa pag-alsa ug mga butang aron makakwarta sa edad nga 9 anyos.
Photo Courtesy to:The News International
