Hugot nga gipatuman sa Department of Trade and Industry (DTI) ang price freeze alang sa mga nag-unang palaliton sa mga lugar sa nasud nga ilawom sa state of calamity.
Kini gumikan sa nahimong epekto sa milabay nga mga bagyo nga naglakip sa Bagyong Nando, Bagyong Mirasol ug Bagyong Opong.
Matud sa DTI, ang kamanduan epektibo sulod sa 60 ka adlaw gawas na lang kun sayo nga wagtangon ni PBBM ang price freeze.
Gihangyo sa DTI ang mga mamalitay nga i-report sa ilang buhatan ang mga tindahan, distributor o mga manufacturer nga namaligya sa mga nag-unang palaliton nga milapas sa presyo nga gitakda.
Samtang, ang usa ka bulan nga price freeze usab ang gitakda alang sa mga produktong petrolyo ug 11-kg cylinder LPG nga epektibo hangtud October 26, 2025 sa probinsya sa Masbate.
Photo Courtesy to:BusinessWorld online
