Nakigkasabot ang Saudi Aramco, usa sa labing dako nga kompanya sa langis sa kalibutan, sa pagkuha og 25 porsyento nga bahin sa Unioil Petroleum Philippines, usa ka kompanya sa downstream fuel business sa nasud.
Ang Unioil adunay 165 ka fuel stations ug upat ka terminal sa storage. Sa pag-apil ni Aramco, plano nila nga isulod ang brand sa Aramco ug mga produktong lubricant nga Valvoline sa pipila sa mga establisyemento niini.
Ang maong transaksyon usa ka lakang sa pagpalapad sa operasyon sa Aramco sa retail sector sa Pilipinas, samtang gilauman nga makuha usab nila ang benepisyo gikan sa paglambu sa merkado sa fuel ug serbisyo sa enerhiya sa nasud nga nagkadako ang demand.
Photo courtesy to:News and updates / unioil
