Gitinguha karon sa mga taas nga opsiyal sa Davao De Oro ang pagahin sa dugang pundo og ang pagtukod sa DOH Run specialty Hospital sa Probinsya.
Katuyuan niini nga mas mahatagan sa pagtagad og mas mapalapdan pa og mahatagan og atensyong medikal ang uban nga mga pasyente sa laing dapit nga naglisod sa pag access, nga nag-operate sa Provincial Hospital sa DDO.
Nasayran nga naglisod ang mga pasyente sa Hospital sa Montevista ilabina sa pagpalit sa mga tambal gumikan kay dili kini mapalit sa sulod sa hospital nga mga pharmacy og kinahanglan nga mogawas pa ang mga Watcher aron mopalit sa tambal.
Kini ang mga oserbasyon nga nakita sa kagamhanang probinsyal pinaagi sa amahan sa lalawigan si Gov Raul Mabanglo adtong bulan sa Hulyo. Gani daghan pang mga nakita niini nga problema nga angayan kahatagan sa pagtagad.
Gibutyag pa niya nga laraw sa maong pagbisita nga masuta ang tinuod nga kahimtang sa balay tambalanan gikan sa mga taho sa iyang mga ginsakupan. Lakip sa iyang gibisita ang ubang mga hospital sama sa Laak, Pantukan og Maragusan nga dunay samang mga suliran.
Hinunogdan nga nahimong prayoridad kini karon sa Panggamhanang Probinsya nga matutukan og magahinan na kini og pundo gikan sa supplemental Budget aron kahatagan sa kasulbaran ang mga kakulangon.
