Gihingusgan ni Schools Governance and Operations Division (SGOD) Chief Dr. Exequiel P. Dimaano sa pakighinabi sa Juander Radyo News Team ang maayong konsepto sa PhilHealth Yakap Program nga gimugna alang sa mga estudyante sa elementarya ug high school sa syudad.
Matod pa ni Dr. Dimaano, dako kini og tabang alang sa mga kabataan tungod kay makabenepisyo sila sa mga health services nga giandam sa PhilHealth.
Ang programa naglakip sa preventive health care, medical assistance, ug health awareness activities nga magahatag og kasiguroan sa kahimsog sa mga estudyante.
Gipangandaman na sa Department of Education Kidapawan Division ug sa Lokal nga Panggamhanan ang mga mekanismo, aron masiguro ang hapsay nga pagpanghatag sa serbisyo ilabi na sa mga pampublikong tulunghaan.
Gi-awhag usab ang mga ginikanan ug magtutudlo nga suportahan ang inisyatiba alang sa mas lig-on nga panglawas ug maayong kaugmaon sa mga kabataan.
Photo courtesy to:PhilHealth
