Mapasigarbuhon ang iladong aktres nga si Janella Salvador sa iyang pag-apil sa usa ka proyekto nga nagpakita og queer stories.
Dako kini nga higayon para sa iya aron ipakita ang tinuod nga emosyon ug kasinatian sa LGBTQIA+ community, ilabina sa mga istorya nga naghisgot sa relasyon tali sa duha ka babaye.
Sumala pa niya, dili lang kini usa ka trabaho isip aktres, apan usa ka responsibilidad aron mahimong boses sa mga tawo nga gusto og representasyon.
Naglaum siya nga pinaagi sa maong proyekto, masabtan ug madawat sa mas daghang katawhan ang tanang klase sa gugma.
Gidapit usab niya ang mga manan-aw nga suportahan ang salida, dili lang pinaagi sa pagtan-aw, apan pinaagi sa pagsabot sa mensahe nga ipakita niini.
Para kang Janella, mas importante nga makahatag kini og inspirasyon ug makatabang sa pagtukod og mas inclusive nga katilingban.
via: @superjanella/ Instagram
