𝐌𝐆𝐀 𝐁𝐘𝐀𝐇𝐄 𝐒𝐀 𝐁𝐀𝐑𝐊𝐎 𝐔𝐆 𝐅𝐄𝐑𝐑𝐈𝐄𝐒 𝐒𝐀 𝐒𝐔𝐑𝐈𝐆𝐀𝐎, 𝐊𝐀𝐍𝐒𝐄𝐋𝐀𝐃𝐎

Kanselado na ang mga byaheng pandagat subay sa Sea Travel Advisory sa Philippine Coast Guard-Surigao City tungod sa epekto sa bagyong Opong.

Kini ang pahayag ni Petty Officer 1 LUKE MICHAEL MEUROM, Philippine Coast Guard_Surigao City nga walay byahe sa mga sakayang pandagat subay sa direktiba sa kadagkoang opisyal sa ahensya aron malikay sa disgrasya dala sa bagyong Opong.

Gipang-deploy na sab ang ilang mga Response Rescuer team panahon nga dunay panginahanglan nga luwason panahon sa kalamidad.

Ang bagyong “Opong” (international name: Bualoi) misaka ngadto sa usa ka severe tropical storm sayo sa buntag sa Huwebes, Setyembre 25, samtang nagalihok pa-kasadpan-amihanan-kasadpan ibabaw sa Philippine Sea padulong sa direksyon sa Eastern Visayas, sumala sa PAGASA.

                                                                                                                                     Ang sentro sa bagyo kay gibanabana nga 440 kilometros silangan sa Guiuan, Eastern Samar, nga may kusog nga hangin nga 110 kilometros kada oras duol sa sentro ug moabot hangtod 135 kph.

Nasayran nga ang Typhoon Opong nag-landfall na kini sa San Policarpo, Eastern Samar mga 11:30 gabii. Gipa-alerto na ang posibling maigo niini nga mao ang eastern Visayas, sumala sa PAGASA.