Mibisita ang Philippine Rural Development Project (PRDP) Davao Region, nga natigayon sa nilabay nga adlaw sa subproject site sa “Enhancement of Virgin Coconut Oil kon (VCO) and By-Product Processing and Marketing Enterprise,” sa Pantukan, Davao de Oro, aron matud pa masubay ang kalamboan niini.
Ang maong subproject nagtumong sa pagpalig-on sa lokal nga industriya sa lubi pinaagi sa pagpadaghan sa produksyon sa virgin coconut oil (VCO) ug mga bottled coconut water, diin usa ka importanteng kauban sa maong inisyatiba ang COCOLIFE Multi-Purpose Cooperative.
Gidesinyo ang proyekto aron madugangan ang kita sa mga mag-uuma sa lubi ug makamugna og trabaho alang sa komunidad. Nasayran ang pagbisita ug pag-monitor kabahin sa padayon nga pasalig sa PRDP sa pagsiguro nga ang mga proyekto nga gipondohan niini makahatag og malungtarong panginabuhi ug progreso sa agrikultura sa rehiyon.
Photo courtesy to:PRDP Davao Region- DA
