Nakadawat og titulo gikan sa Guinness World Records ang usa ka residente sa Tiverton, Rhode Island sa U.S. nga mao ang “Largest Collection of Energy Drink Cans” human maabot ang iyang koleksyon sa 1,019 ka lata.
Matod ni Joel Spears, nagsugod siya og kolekta samtang ga review siya og mga energy drinks sa iyang YouTube channel. Sa dugay nga panahon, nadiskobrehan niya nga nakaabot na diay sa world record ang kadaghan sa iyang koleksyon.
Gisaysay ni Spears nga sayon ra para niya ang pagpangolekta, apan ang lisod mao ang proseso sa pag-apply sa Guinness. Kinahanglan niya i-video ug kuhaan og litrato ang matag lata, ug maghimo pa gyud og detalyadong lista sa tanan.
Photo courtesy to:Guinness World Records
