Nasikop sa kapulisan ang duha ka 18-anyos nga lalaki atol sa gihimong buy-bust operation nga gipangunahan ang operasyon ni Police Major Rorye V. Tabuclin, Station Commander sa Iligan City Police Station 3, uban sa suporta sa Philippine Drug Enforcement Agency (PDEA), sa may alas 2:30 sa hapon Setyembre 24, 2025 sa Barangay Dalipuga, Iligan City.
Giila ang mga suspek nga sila alyas Gerald, residente sa Barangay Dalipuga , ug alyas Dodong, taga Purok 2B, Santan, Barangay San Roque, sa syudad sa Iligan. Kung asa pareho nga gipaslak sa Police Station 3 detention cell, human nakuhaan og duha ka pakete sa gitouhang drogang shabu nga adunay gibug-aton nga 2 gramos ug adunay standard drug price nga mobalor ug ₱20,400.
Samtang nasakmit usab ang ₱500 bill nga gigamit isip buy-bust money. Sa pagkakaron gihikay na ang dugang legal nga proseso sa kasong atubangon sa mga suspetado
Photo courtesy of ICPS-3
